Blog Feed

World children day အတွက် လှုပ်ရှားမှုတွေ အခုတလော media မှာ တွေ့လိုက်ရပါတယ်။ အားရစရာပါ….။ ထူးထူးခြားခြားတစ်ခုအနေနဲ့ တွေ့လိုက်ရတာက လွန်ခဲ့တဲ့ ရက်အနည်းငယ်ကပဲ New York မှာရှိတဲ့ မိဘပေါင်းသုံးထောင်နီးပါးက ကလေးတွေကို (၈)တန်းရောက်မှ smartphone ပေးကိုင်သင့်ကြောင်း ဆန္ဒထုတ်ဖော်ကြတဲ့ သတင်းပါ။

သူတို့မှာ smartphone နဲ့ပတ်သက်ပြီး စိုးရိမ်တဲ့အရာတွေ ရှိပါတယ်တဲ့။ cyberbullying လို့ခေါ်တဲ့ အင်တာနက်၊ အွန်လိုင်းပေါ်မှာ တယောက်ယောက်ကို မတော်မတရားပြောဆိုကြတဲ့ အန္တရာယ်ကို သူတို့သားသမီးတွေရင်ဆိုင်လာရမှာ စိုးရိမ်တယ်၊ မသင့်လျော်တဲ့ text message တွေ ပို့ရင်း၊ video တွေ ကြည့်ရင်း၊ game တွေ ကစားရင်း အချိန်ကုန်မှာ စိုးရိမ်တယ်လို့ ပြောကြတယ်။ သူတို့ပြောတဲ့ အချက်တွေကလည်း ခုကျမတို့ ရင်ဆိုင်နေရတဲ့ ကိစ္စတွေပါပဲ….

တကယ်တော့ smartphone အသုံးပြုမှုဟာ screen time နဲ့ တိုက်ရိုက်သက်ဆိုင်ပါတယ်။ screen time ဆိုတာ screen ရှိတဲ့ ပစ္စည်းတစ်ခုခု (ဥပမာ TV၊ ကွန်ပျူတာ၊ smartphone၊ tablet) ကို ကြည့်ရှုအသုံးပြုရင်း ကုန်ဆုံးတဲ့ အချိန်ပမာဏကို ခေါ်ပါတယ်။ဒီအရာတွေကလည်း ကျမတို့ လူမှုဘဝမှာနေ့စဉ် နေ့တိုင်း အသုံးပြုနေရပြီး တော်တော်လေးအရေးပါတဲ့အရာတွေပါ။ သူ့ကိုရှောင်လွှဲဖို့ဆိုတာလည်း တော်တော်တော့ မလွယ်ကူပါဘူး။ ဒါကို ကိုယ့်ကလေးတွေအတွက် screen time မထိတွေ့အောင် ကြိုးစားဖူးတဲ့ မိဘတိုင်း နားလည်မှာပါ။

ကျမတို့ဘာကြောင့်များ ဒီ screen time ဆိုတဲ့အရာကို ဒီလောက်တောင် ပြောနေရပါလိမ့်?🙄 ကလေးတွေအပေါ် ဘယ်လို အကျိုးသက်ရောက်မှုများ ရှိနေလဲ…. စဉ်းစားကြည့်ရအောင်!

– ပထမဆုံးအနေနဲ့ screen time များတဲ့ ကလေးတွေဟာ ကိုယ်လက်လှုပ်ရှားမှုနည်းလာပြီး အဝလွန်တာကို တွေ့ရတတ်ပါတယ်။ media မှာ ပြတဲ့ junk food ကြော်ငြာတွေကြည့်၊ အဲဒါတွေလိုက်စားပြီး ကိုယ်အလေးချိန်တွေ အလွန်အကျွံတက်လာတတ်ပါတယ်။

– နောက်တစ်ခုက media မှာပါလာတတ်တဲ့ ကလေးတွေ ကြည့်ဖို့မသင့်လျော်တဲ့ အရာတွေကြည့်ပြီး သူတို့ရဲ့ အပြုအမူတွေ ပြောင်းလာတတ်ပါတယ်။ media မှာပါလာတတ်တဲ့ မသင့်လျော်တဲ့ အပြုအမူတွေ၊ အပြောအဆိုတွေကို အတုခိုးပြုမူတတ်လာပါတယ်။

– screenနဲ့ပဲ တချိန်လုံးနေတဲ့ ကလေးတွေဟာ မိသားစုနဲ့ ပြောဆိုဆက်ဆံတာ သိသိသာသာ နည်းလာပါတယ်။ screen မှာ ပေါ်လာတဲ့ အရာတွေက ဘေးပတ်ဝန်းကျင်ထက်ပိုပြီးစိတ်ဝင်စားဖို့ ကောင်းနေတာက တစ်ကြောင်း၊screen ပေါ်က အရာတွေက ပိုဆွဲလမ်းတတ်စေတာကတစ်ကြောင်းပါ။ (ဖုန်းပဲ တချိန်လုံးကြည့်နေတယ်၊ သူ့ကိုဘာမှ ပြောလို့မရဘူးဆိုတာ ကြားဖူးမှာပေါ့နော်!)

– ကလေးတွေရဲ့ အိပ်စက်ခြင်းကိုလည်း screen ကြောင့် ထိခိုက်စေပါတယ်။ screen ကထုက်လွှင့်တဲ့ အလင်းဟာ ညဘက်အိပ်ခါနီး ကြည့်မိရင် အိပ်မပျော်ဖြစ်တတ်ပါတယ်။ ကလေးတွေ အိပ်မပျော်ဖြစ်ရင် သူ့ရဲ့ အမူအကျင့်တွေပါ ပြောင်းလာတတ်ပါတယ်။

– နောက်ဆုံးတစ်ခုကတော့ screen ကြည့်တာများလာရင် နောက်ကျောတက်တာတို့၊ မျက်စိမှုန်လာတာတို့ ဖြစ်နိုင်ပါတယ်။ ဒါကတဆင့် ကျန်းကျန်းမာရေး ထိခိုက်လာနိုင်ပါတယ်။

တကယ်တော့ ကလေးတွေရဲ့ smartphone အသုံးပြုမှုကို ကန့်သတ်ဖို့၊ screen time ကို လျှော့ချဖို့ဆိုတာ ခက်ခဲတဲ့အရာပါ။ ဒါပေမယ့် screen time ကြောင့် ကလေးတွေမှာ သိသာတဲ့ ထိခိုက်မှုတွေ ရှိပါတယ်။ ဒါကြောင့်လည်း

ပညာရှင်တွေက၂ နှစ်အောက်ကလေးတွေကို screen နဲ့ ထိတွေ့ခွင့်လုံးဝမပေးဖို့ တားမြစ်ထားပြီး ၂ နှစ်ကနေ ကျောင်းမနေခင်ထိကိုတော့ နည်းနိုင်သမျှနည်းအောင် ထားနိုင်ရင်တော့ အကောင်းဆုံးလို့တော့ ဖော်ပြကြပါတယ်။

မေတ္တာဖြင့်

မာရီယာ

#CraftedByMaria

နောက်ဆုံးပိုင်းပါ!

ကိုယ့်ရဲ့ ကလေးသရုပ်ဆောင်လေးတွေကိုလည်း ပွဲထုတ်ပြီးပြီဆိုတော့ ပြောထားတဲ့အတိုင်း အပိုင်းတစ်ဆယ်မှာ ဇာတ်သိမ်းလိုက်ပါပြီနော်။

ရှေ့အပိုင်းတွေမှာ တစ်နှစ်အရွယ်အထိ Gross motor နဲ့ Fine motor တွေရဲ့ အသက်အပိုင်းအခြားအလိုက် ဖွံ့ဖြိုးမှုအကြောင်းတွေကို တစ်ပိုင်းစီရေးပြီးပြီဆိုတော့ ခုနောက်ဆုံးပိုင်းမှာတော့ ခေါင်စဉ်လေးအတိုင်း နိဂုံးချုပ်လိုက်ရအောင်!

ဆိုတော့ ခေါင်းစဉ်က ဘာပါလိမ့်?? ခေါင်းစဉ်က …… “ကလေးတွေ ဉာဏ်ကောင်းဖို့ ကိုယ်လက်လှုပ်ရှားဖို့ လိုလား? ကြွက်သားတွေသန်မာဖို့ လိုလား?” တဲ့။

ကြွက်သားတွေ သန်မာဖို့၊ motor skills တွေ ကောင်းကောင်းဖွံ့ဖြိုးဖို့အကြောင်းကတော့ ရှေ့မှာပြောခဲ့ပြီးသား။ ဒါပေမယ့် နည်းနည်းပြန်ပြောမယ်နော်။

Gross motor skills ဖွံ့ဖြိုးဖို့ဆိုရင် ခန္ဓာကိုယ်ရဲ့ လှုပ်ရှားမှုတွေမှာ အဓိကပါဝင်တဲ့ ခြေတွေလက်တွေစတဲ့ အချက်အချာကျတဲ့နေရာက ကြွက်သားတွေ သန်မာဖို့လိုတယ်။

Fine motor skills အတွက်ဆိုရင် အဓိကအားဖြင့် လက်အဖျားမှာ ရှိတဲ့ ကြွက်သားလေးတွေ ကောင်းကောင်းဖွံ့ဖြိုးဖို့လိုတယ်။ ကိုယ်လက်လှုပ်ရှားမှုများလို့ ခန္ဓာကိုယ်အပေါ်ပိုင်း ကြွက်သားတွေ သန်မာလာရင် fine motor skill ဖွံ့ဖြိုးဖို့ ပိုပြီး အထောက်အကူဖြစ်စေတာပေါ့။

Motor skills အကြောင်း အကျဉ်းချုပ်ပြောပြီးသွားတော့ motor skills နဲ့ ဉာဏ်ကောင်းခြင်း ဘယ်လိုများဆက်စပ်ပါလိမ့်?? သူတို့နှစ်ခုဟာ တည်နေရာက တနေရာစီ၊ လုပ်ဆောင်ချက်ချင်းလည်း တခြားစီလို့ မြင်ကောင်းမြင်နိုင်ပါတယ်။ ဒါပေမယ့် သိသာထင်ရှားတဲ့ ဆက်နွယ်မှုရှိပါတယ်။

ဒီလိုဆိုတော့ ဥပမာအနေနဲ့ fine motor skill နဲ့ ဉီးနှောက်ရဲ့လုပ်ဆောင်ချက် ဆက်စပ်မှုတစ်ခုလောက် စဉ်းစားကြည့်ရအောင်!

ငယ်ငယ်ကတည်းက လူတိုင်း မျဉ်းသားဖူးကြမှာပါ။ ခုချိန်မှာ တွေးကြည့်ရင်တော့ ဒါဟာ အလွန်လွယ်ကူတဲ့ အလုပ်တစ်ခုလို့ ထင်ကြပါလိမ့်မယ်။ ဒါပေမယ့် ဒါဟာ “တိကျမှု”ရဲ့ အခြေခံအကျဆုံးအရာတစ်ခုလည်း ဖြစ်ပါတယ်။ တကယ်တော့ တိတိကျကျသားထားတဲ့ မျဉ်းကြောင်းလေးတစ်ခုရဖို့အတွက် ထိန်းညှိုရတာတွေအများကြီးပါ။

စလုပ်တော့မယ်ဆိုတာနဲ့ မျက်လုံးက ဘာတွေမြင်သလဲ၊ မြင်တဲ့အရာတွေကို (ပေတံ၊ ခဲတံ၊စာအုပ် စသဖြင့်) ဉီးနှောက်ကို သတင်းပို့တယ်။ ရတဲ့သတင်းအချက်အလက်တွေအတိုင်း မြင်တဲ့အရာတွေဆီကို လက်ကအတိအကျရောက်ဖို့ ဉီးနှောက်က ချိန်ဆပေးရတယ်၊ ထိန်းညှိုပေးရတယ်။ ပေတံကို ဘယ်လိုကိုင်ရမလဲ၊ လက်ကို ဘယ်နားမှာထားရမလဲ၊ ဘယ်လိုချိန်ရမလဲဆိုတာကို လက်ဖျားက ကြွက်သားတွေဆီ ပြန်ပြီးညွှန်ကြားတယ်။

အထူးသဖြင့် စလုပ်ခါစကလေးငယ်တွေအတွက်ဆိုရင် လက်၊ မျက်စိနဲ့ ဉီးနှောက်အားလုံး တပြိုင်တည်းလုပ်ရတာမို့လို့ ခက်ခဲပါတယ်။ ဉီးနှောက်က ပြောတဲ့အတိုင်း လက်ကလိုက်ရွှေ့ရသလို လက်ရောက်နေတဲ့နေရာကိုလည်း ဉီးနှောက်က အချိန်နဲ့ တပြည်းညီ သိဖို့၊ ထိန်းညှိုနိုင်ဖို့ လိုပါတယ်။ လက်နဲ့ ဉီးနှောက်ကြားက ဆက်သွယ်မှုမြန်လာဖို့၊ သေသပ်တဲ့ မျဉ်းတစ်ကြောင်းရလာဖို့ကတော့ ကျင့်ပေးဖို့ လိုတာပေါ့နော်။ အကျင့်ရလာတာနဲ့အမျှ သူနဲ့ဆိုင်တဲ့ ဉီးနှောက်ရဲ့ လုပ်ဆောင်ချက်တွေ မြန်လာမယ်။ ချိန်ဆချက်တွေ၊ ထိန်းညှိုနိုင်စွမ်းတွေ ပိုကောင်းလာရင် ဉာဏ်ပိုကောင်းလာတာပေါ့။

ခုပေးခဲ့တဲ့ ဥပမာကတော့ fine motor skill ကို အသုံးပြုတဲ့ ဥပမာတစ်ခုပါ။ ပြောခဲ့ဖူးတာကို ပြန်ပြောရရင် ကိုယ်လက်လှုပ်ရှားမှု၊ motor skills ဖွံ့ဖြိုးမှုဟာ ကလေးတစ်ယောက်ရဲ့ ဉီးနှောက်ဖွံ့ဖြိုးမှုနဲ့ သူရဲ့လုပ်ဆောင်ချက်တွေကို ပိုမိုကောင်းမွန်စေပါတယ်၊ သတင်းအချက်အလက်ပို့ဆောင်မှုကို ပိုမိုလျှင်မြန်စေပါတယ်။

နောက်ဆုံးအနေနဲ့ပြောချင်တာက “ကလေးတွေဉာဏ်ကောင်းဖို့ ကိုယ်လက်လှုပ်ရှားဖို့ လိုပါတယ်။”

မေတ္တာဖြင့်

မာရီယာ

#CraftedByMaria

ဘေဘီလေးဟာ မတ်တပ်ရပ်နိုင်တဲ့ အချိန်မှာပဲ…..

🎈ဆုပ်ကိုင်ထားတဲ့ ပစ္စည်းကို ပြန်လွှတ်ပေးတတ်လာတယ်။

🎈ကစားစရာပစ္စည်းတွေကို လူကြီးကတောင်းရင် ပေးတတ်လာတယ်။

🎈အခြားသူရဲ့ အာရုံစိုက်ခံရမှုကို ကြိုက်လာတယ်။ တခြားသူရဲ့ တုံ့ပြန်မှုကိုရနိုင်မယ့် အပြုအမူလေးတွေ လုပ်ပြတတ်လာတယ်။

🎈သူများရဲ့ ဟန်ပန်အမူအရာတွေကို လိုက်လုပ်တတ်လာတယ်။

🎈ပတ်ဝန်းကျင်ကို လေ့လာတတ်လာတယ်။

🎈အဖုံးကို ဖယ်ပြီး ဗူးထဲက ပစ္စည်းကို ရှာယူတတ်လာတယ်။

🎈စကားစပြောတတ်လာတယ်။

(ဆက်လက်ဖော်ပြပါမည်)

မေတ္တာဖြင့်

မာရီယာ

#CraftedByMaria

ဘေဘီလေးတွားသွားနိုင်တဲ့အချိန်မှာ တခြား fine motor ဖွံ့ဖြိုးမှုတွေကတော့

⛳️ လက်တစ်ဖက်ထဲက ပစ္စည်းကို နောက်လက်တစ်ဖက်ထဲကို ပြောင်းထည့်တတ်လာတယ်။

⛳️ ကစားစရာတွေနဲ့ ကစားတယ်၊ သူ့အကြိုက်ကစားစရာတွေလည်း ရွေးတတ်လာတယ်။

⛳️ ပစ္စည်းသေးသေးလေးတွေကို လက်ချောင်းလေးတွေနဲ့ ကောက်ယူတတ်လာတယ်။

⛳️ မိသားစုဝင်တွေကို မှတ်မိလာတယ်။

⛳️ ရုပ်ပုံကားချပ်တွေကို လူကြီးနဲ့အတူ လိုက်မှတ်တတ်လာတယ်။

⛳️ သီချင်းတွေ ဂီတသံစဉ်တွေကို နားထောင်တတ်လာတယ်။

⛳️ တချို့လုပ်ခိုင်းတာတွေကို လိုက်လုပ်တတ်လာတယ်။

⛳️ စကားတစ်ခွန်းနှစ်ခွန်း စပြောလာတယ်။

(ဆက်လက်ဖော်ပြပါမည်)

မေတ္တာဖြင့်

မာရီယာ

#CraftedByMaria

ကဲ (၆)လဆိုတော့ ဘေဘီလေး ထိုင်နိုင်ပြီ။ ထိုင်နိုင်တဲ့အရွယ်မှာ တခြား fine motor နဲ့ဆိုင်တဲ့အရာတွေလည်း အချိန်နှင့်အမျှ ဖွံ့ဖြိုးလာပါပြီ။ ဘာတွေဖွံ့ဖြိုးလာလဲ ဆိုတော့……….

♦️ထိုင်ရင်းကနေ သူ့ဘေးပတ်ဝန်းကျင်ကအရာတွေကို လိုက်ကြည့်တတ်လာပြီ။

♦️မှန်ကြည့်ရတာ ကြိုက်လာတယ်။

♦️အရာဝတ္ထုတွေကို လိုက်ကိုင်ဖို့ ကြိုးစားတယ်။ ကိုင်ပြီးပါးစပ်ထဲ ထည့်တတ်လာတယ်။

♦️အသံလာရာကို လှည့်ကြည့်တတ်လာတယ်။ သူ့နာမည်ခေါ်ရင် ပြန်ကြည့်တာပဲ ဖြစ်ဖြစ်၊ လှုပ်ရှားမှုတစ်ခုခုလုပ်တာပဲ ဖြစ်ဖြစ် တစ်ခုခုနဲ့ တုံ့ပြန်တတ်လာတယ်။

♦️အသံအတိုးအကျယ်၊ pitch အနိမ့်အမြင့်တွေနဲ့ အသံပြုတတ်လာတယ်။

♦️တခြားသူရဲ့ စိတ်ခံစားမှုတွေ (ဥပမာ ပျော်တာ၊ ဝမ်းနည်းတာ)ကို တုံ့ပြန်မှုပြုတတ်လာတယ်။

(၆)လမှာ ဘေဘီလေးဟာ ကောင်းကောင်းမွန်မွန်ထိုင်နိုင်ပေမယ့် ဒီလို fine motor နဲ့ ဆိုင်တဲ့ ဖွံ့ဖြိုးမှုတွေ မတွေ့ရရင်တော့ သတိထားရမဲ့ အနေအထားပါ။ ဖွံ့ဖြိုးမှုတစ်ခုခုမှာ နောက်ကျကျန်နေနိုင်တဲ့အတွက် ကျွမ်းကျင်သူနဲ့ တိုင်ပင်သင့်ပါတယ်။

(ဆက်လက်ဖော်ပြပါမည်)

မေတ္တာဖြင့်

မာရီယာ

#CraftedByMaria

photo – credit

ဘေဘီလေးရဲ့ ပထမဆုံးမွေးနေ့နီးလာတဲ့အချိန်မှာ သူလေးဟာ မတ်တတ်စမ်းပါပြီ။

🎈(၇)လလောက်မှာ ဘေဘီလေးရဲ့ ကြွက်သားတွေဟာ မတ်တပ်ရပ်ဖို့ လုံလောက်စွာသန်မာလာပါတယ်။ သူ့ကို အမှီနဲ့မတ်တပ်ရပ်ပေးရင် အမှီကို ဆက်ကိုင်ထားပြီး ရပ်နေတတ်ပါတယ်။ ဒီအချိန်မှာ သူ့ကိုယ်သူ ဟန်ချက်ဘယ်လိုထိန်းရမလဲဆိုတာ သေချာမသိသေးပါဘူး။ ဒါကြောင့် လဲတဲ့အခါ သူ့အတွက်ဘေးကင်းဖို့ သူ့အနားကခိုက်မိနိုင်တဲ့ အရာတွေဖယ်ထားပေးဖို့နဲ့ လဲရင်မနာဖို့ ကူရှင်တချို့ခံထားပေးဖို့လိုပါတယ်။

🎈တစ်လခန့်အကြာမှာ သူ့ရဲ့ လက်ကို ဆန့်ထုတ်ပြီး သူ့ကိုယ်သူဟန်ချက်ထိန်းနိုင်တယ်ဆိုတာကို သိလာပါတယ်။

🎈ကိုးလခန့်အကြာမှာ တစ်ခုခုကိုဆွဲပြီးမတ်တပ်ရပ်ဖို့ ကြိုးစားလိုက်၊ လဲလိုက်ဖြစ်နေတတ်ပါတယ်။ အလေ့အကျင့်ရလာတဲ့ အခါမှာတော့ တည်တည်ငြိမ်ငြိမ်ရပ်နိုင်လာပါတယ်။

🎈ဆယ်လကနေ တစ်နှစ်ခန့်မှာတော့ သူကိုယ်သူယုံကြည်ချက်အပြည့်နဲ့ အမှီမပါဘဲ မတ်တပ်ရပ်နိုင်ပါပြီ။ ဒီလိုကြိုးစားရတာဟာ သူ့အတွက်တော့ ကြီးမားတဲ့ အားထုတ်မှုတစ်ခုပဲ ဖြစ်ပါတယ်။

(ဆက်လက်ဖော်ပြပါမည်)

မေတ္တာဖြင့်

မာရီယာ

#CraftedByMaria

🚩 မွေးကတည်းက လူကြီးထားရာ ငြိမ်ငြိမ်လေးနေလာရတဲ့ဘေဘီလေးက ၈ လခန့်ကစပြီး ရွေ့လျားချင်လာပါပြီ။ သူလေးဟာ သူ့အားသူကိုးပြီး စတင်ရွေ့လျားပါတော့မယ်။ တွားသွားပါတော့မယ်။

🚩 တွားသွားတယ်ဆိုတာ ဘေဘီလေးအတွက်တော့ အရေးပါတဲ့ စွန့်စားမှုတစ်ခုလည်း ဖြစ်ပါတယ်။ သူသွားချင်တဲ့နေရာကို သူကိုယ်တိုင်ရောက်အောင်သွားပြီး ဆန်းပြားတဲ့ ကမ္ဘာလောကကြီးကို စတင်လေ့လာပါတော့မယ်။ ဘယ်လောက်တောင် သွားနိုင်သလဲဆိုရင် baby’s day out ရုပ်ရှင်က သက်သေပဲနော်။

🚩 ဆိုတော့ကာ တွားသွားတဲ့အချိန်မှာ ဘေဘီလေးဘာတွေလုပ်ရသလဲဆိုတာ နည်းနည်းထပ်ပြောရအောင်နော်။ ဘေဘီလေးက ပထမဆုံး သူ့လက်နဲ့ ဒူးဟန်ချက်ညီအောင် ထိန်းရတယ်။ ထိန်းနိုင်ပြီဆိုရင် ဒူးကို သုံးပြီး ရှေ့နောက်ရွေ့လျားဖို့ သူကြိုးစားရပါပြီ။

🚩 ဒီလိုရွေ့လျားပြီဆိုရင် သူတွားသွားတဲ့ပုံစံမှန်မမှန်ထက် သူတွားသွားဖို့ပဲ အားပေးပေးပါ။ ဘေဘီလေးကို ရှေ့ကနေ ကစားစရာလေးတွေနဲ့ မြူပေးတာမျိုး၊ သူနဲ့အတူလူကြီးကလိုက်ပြီး တွားသွားတာမျိုးလုပ်ပေးနိုင်ရင် ကောင်းပါတယ်။ သူ့လို လူကြီးက တွားသွားတဲ့ အနေအထားလိုက်လုပ်ပေးတာက ဘေဘီလေးအနီးပါတ်ဝန်းကျင်က အန္တရာယ်ရှိနိုင်တဲ့ အရာတွေကို ပိုပြီးမြင်လာစေနိုင်ပါတယ်။

🚩 ဘေဘီလေးက တွားမသွားဘူးဆိုရင်ရော? ဘေဘီလေးက တနည်းနည်းနဲ့ စတင်ရွေ့လျားဖို့ ကြိုးစားနေသရွေ့ ဒီအရွယ်မှာ စ်ုးရိမ်စရာမရှိပါဘူး။ တချို့ကလေးတွေဆိုရင် တွားမသွားဘဲ တန်းပြီးမတ်တပ်ရပ်ဖို့ ကြိုးစားတတ်ပါတယ်။ လမစေ့ဘဲမွေးတဲ့ကလေးတွေဆိုရင် သူတို့နဲ့ရွယ်တူမွေးတဲ့ ကလေးတွေထက် နောက်ကျပြီးမှ တွားသွားတတ်ပါတယ်။ ဒါက စိုးရိမ်စရာမရှိပါဘူး။

(ဆက်လက်ဖော်ပြပါမည်)

မေတ္တာဖြင့်

မာရီယာ

#CraftedByMaria

ဘေဘီလေး ထိုင်လို့ရပါပီ !! 👶👶

———————–

♦️ သုံးလေးလအရွယ်ရောက်တဲ့အခါ ဘေဘီလေးက tummy time ကနေ ဖွံ့ဖြိုးမှုနောက်တဆင့်ထပ်တက်ချင်ပါပီတဲ့ ….ဘာလုပ်မလဲဆိုတော့ ထိုင်ပါမယ်တဲ့ 🧘‍♀️🧘‍♂️

♦️ ကလေးအများစုကတော့ ခေါင်းခိုင်ပြီး လေးငါးလရွယ်ရောက်ပြီဆိုရင် ထိုင်ဖို့စတင်ကြိုးစားတတ်ကြပါတယ်။ စထိုင်တဲ့ အသက်အပိုင်းအခြားကတော့ တစ်ယောက်နဲ့တစ်ယောက်နည်းနည်းကွာတတ်ပါတယ်။

♦️ ပထမဆုံးစထိုင်ရင်တော့ လူကြီးကနည်းနည်းထိန်းပေးဖို့လိုပါတယ်။ ခြောက်လခန့်မှာ လည်ပင်း၊ ခန္ဓာကိုယ်အပေါ်ပိုင်း ကြွက်သားတွေ ကောင်းမွန်စွာ ဖွံ့ဖြိုးလာပြီး အမှီမပါ ထိန်းပေးစရာမလိုဘဲ ထိုင်နိုင်လာပါတယ်။

♦️ ၇ လ အရွယ်ရောက်တဲ့အထိ အမှီမပါဘဲ မထိုင်နိုင်သေးရင်တော့ တတ်ကျွမ်းသူတစ်ယောက်ယောက်နဲ့ ပြသဖို့လိုပါတယ်နော်။

(ဆက်လက်ဖော်ပြပါမည်။)

မေတ္တာဖြင့်

မာရီယာ

#CraftedByMaria

သောကြာနေ့ဆိုတော့ မှောက်ပြီတဲ့ 😜

ဆိုတော့ကာ ဒီနေ့ Motor skills ဖွံ့ဖြိုးမှုမှာ အခြေခံအကျဆုံးလှုပ်ရှားမှုတစ်ခုဖြစ်တဲ့ tummy time မှောက်တဲ့အကြောင်းလေး ပြောကြရအောင်နော်…….

 ပထမဆုံးအနေနဲ့ tummy time ဆိုတာ ဘာလဲ?

tummy time ဆိုတာ ကောင်းစွာနိုးကြားနေတဲ့ ကလေးတစ်ယောက်ကို ဝမ်းလျားမှောက်တဲ့ အနေအထားပြုလုပ်ပေးတာကို ခေါ်ပါတယ်။ ဒီလိုလုပ်ပေးတာက ကလေးကို ခေါင်းထောင်ဖို့ အားပေးရာရောက်ပြီး ကလေးရဲ့ လည်ပင်းနဲ့ ဉီးခေါင်းမှာရှိတဲ့ ကြွက်သားတွေကို ပိုမိုသန်မာစေပါတယ်။

 ဘာကြောင့် tummy time က လိုအပ်ပါသလဲ?

tummy time ကို လုပ်ပေးလို့ ရလာမယ့် အကျိုးက မနည်းဘူးနော်။ ဉပမာ ပြောရရင်….

– ထိုင်ဖို့၊ လေးဖက်သွားတတ်စေဖို့ အထောက်အကူ ဖြစ်စေပါတယ်။

– ကြွက်သားတွေကို ပိုမိုသန်မာစေပါတယ်။

– ပက်လက်ကြာရှည်စွာအိပ်စက်ခြင်းကြောင့် ဖြစ်တတ်တဲ့ ဉီးခေါင်းပြားခြင်းကိုလည်း ကာကွယ်ပေးပါတယ်။

– ခေါင်းခိုင်စေပါတယ်။

– လေနာသက်သာစေပါတယ်။

 ဘယ်အချိန်မှာ tummy time စသင့်သလဲ?

ဘယ်အချိန်စသင့်သလဲ ဆိုတဲ့ အချိန်အတိအကျကိုတော့ ဖော်ပြထားခြင်း မရှိပါဘူး။ နေ့စေ့လစေ့နဲ့ ကျန်းကျန်းမာမာမွေးလာတဲ့ ကလေးဆိုရင်တော့ tummy time ကို မွေးဖွားပြီးဆေးရုံက ဆင်းတဲ့ ရက်ကစပြီး လုပ်ပေးလို့ ရတယ်လို့ ဖော်ပြကြပါတယ်။ ပထမပိုင်းမှာတော့ tummy time ကို ကလေးက ငြင်းဆန်ရင်ငြင်းဆန်ပါလိမ့်မယ်။ တစ်မိနစ်လောက်ပဲ စလုပ်နိုင်ရင်လည်း မဆိုးပါဘူး။ tummy time ကို ကလေးသေချာနိုးနေတဲ့ အချိန်မှာ လုပ်ပေးဖို့ လိုပြီး လုပ်ပေးနေတုန်းမှာလည်း အနားမှာ လူကြီးတစ်ယောက်က အမြဲကြည့်နေဖို့ လိုပါတယ်။

 tummy time ဘယ်လောက်ကြာကြာလုပ်ပေးသင့်လဲ?

အစပိုင်း သိပ်အကျင့်မရသေးရင်တော့ တစ်နေ့ကို ၂ – ၃ ကြိမ်၊ တစ်ကြိမ်ကို ၃ မိနစ်ကနေ ၅ မိနစ်လောက် ကြာအောင် လုပ်ပေးနိုင်ပါတယ်။ diaper လဲပေးပြီးတဲ့ အချိန်၊ ကစားတဲ့ အချိန်တွေမှာ လုပ်ပေးလို့ ရပါတယ်။ လူကြီးအကူအညီမပါဘဲ ကလေးကိုယ်တိုင်မှောက်နိုင်တဲ့အထိ တဖြည်းဖြည်းကျင့်ပေးသွားလို့ရပါတယ်။

 tummy time ကို ဘယ်လိုလုပ်ပေးမလဲ?

ညီညာတဲ့ ကြမ်းပြင်တစ်ခုပေါ်မှာ နူးညံ့တဲ့ အဝတ်တစ်ခုကို ခင်းပါ။ ကလေးကို အခင်းပေါ်ညင်သာစွာ မှောက်ပေးပြီး သူခေါင်းမော့ကြည့်လာအောင် ချော့မြူပေးပါ။ ဒီလိုချော့မြူပေးတာကလည်း tummy time လုပ်ပေးနေချိန်မှာ ကလေးကို ပိုနိုးကြားစေပါတယ်။

(ဆက်လက်ဖော်ပြပါမည်။)

မေတ္တာဖြင့်

မာရီယာ

#CraftedByMaria

◊ Gross motor skills ဖွံ့ဖြိုးဖို့ဆိုရင် ခန္ဓာကိုယ်ကို အဓိကထောက်ခံပေးထားတဲ့ ခြေတွေလက်တွေစတဲ့ အချက်အချာကျတဲ့နေရာက ကြွက်သားတွေ သန်မာဖို့လိုတယ်။ ဒီလိုသန်မာဖို့ဆိုရင် သူတို့လေးတွေကို tummy time လို့ခေါ်တဲ့ စမှောက်တဲ့ အချိန်ကစပြီး လေးဘက်သွားပြီး မတ်တပ်ရပ်နိုင်တဲ့အထိ ဖွံ့ဖြိုးမှုကို အားပေးတဲ့ လေ့ကျင့်ခန်းများများ လုပ်ပေးနိုင်ရင် အကောင်းဆုံးပေါ့။ မတ်တပ်ရပ်နိုင်ပြီးရင်

– ပြေးမယ်

– ခုန်မယ်

– ဘောလုံးကန်မယ်

– scooter, စက်ဘီးစတာတွေ စီးမယ်

– ဟန်ချက်ထိန်းတာကို အားပေးတဲ့ လေ့ကျင့်ခန်းတွေ လုပ်မယ်။

◊ Fine motor skills ကောင်းကောင်းဖွံ့ဖြိုးဖို့ဆိုရင် ခန္ဓာကိုယ်အပေါ်ပိုင်း ကြွက်သားတွေ အရင်ဆုံး သန်မာဖို့ လိုအပ်ပါတယ်။ ဘာကြောင့်လဲဆိုတော့ လက်အဖျားမှာ ရှိတဲ့ ကြွက်သားလေးတွေရဲ့ လှုပ်ရှားမှုကို ထောက်ပံ့ပေးမှာက လက်အရင်းက ကြွက်သားတွေပါ။ Fine motor skills ဖွံ့ဖြိုးဖို့ အောက်ပါလှုပ်ရှားမှုတွေ ကျင့်ပေးလို့ ရပါတယ်။

– လက်ချောင်းလေးတွေနဲ့ အစာကို ယူစားစေမယ်

– ပျော့အိပြီး နူးညံ့တဲ့ (ဉပမာ ဂျုံ) အရာတွေကို နယ်မယ်

– ကျယ်သီးတပ်ဖြုတ်/ဇစ်တပ်ဖြုတ် ကျင့်ပေးမယ်

– အရောင်ခြယ်မယ်

– ကြိုးလေးတွေ ချည်ခိုင်းကြည့်မယ်

(ဆက်လက်ဖော်ပြပါမည်။)

မေတ္တာဖြင့်

မာရီယာ